Əhalinin etibarlı ərzaq təminatında taxılçılıq mühüm yer tutur. Bu sahənin dövlət tərəfindən dəstəklənməsi, texnika, gübrə və toxum təminatı, eləcə də mütərəqqi suvarma sistemlərinin qurulması məhsul istehsalının artmasına səbəb olub. Hazırda muxtar respublikada payızlıq taxıl əkini aparılır.

 

Naxçıvan Muxtar Respublikası Ali Məclisinin mətbuat xidmətindən NUHÇIXAN-a bildirilib ki, oktyabrın 6-da Naxçıvan Muxtar Respublikası Ali Məclisinin Sədri Vasif Talıbov “Bərəkət Toxumçuluq” Məhdud Məsuliyyətli Cəmiyyətinin taxıl əkini sahələrinə gəlib, taxıl əkininin gedişi ilə maraqlanıb.

Məlumat verilib ki, muxtar respublikada payızlıq taxıl əkini zamanı aqrotexniki qaydalara əməl olunur, xəstəlik və zərərvericilərə qarşı mübarizə tədbirləri görülür. Toxumun dərmanlanması bu işdə xüsusi əhəmiyyətə malikdir. Torpaq mülkiyyətçilərinin yüksək reproduksiyalı məhsuldar toxumlarla təmin edilməsi sahəsində tədbirlər görülüb və tələbata uyğun toxum ehtiyatı yaradılıb.

“Bərəkət Toxumçuluq” Məhdud Məsuliyyətli Cəmiyyətinin taxıl sahələrində muxtar respublikanın torpaq-iqlim şəraitinə uyğunlaşdırılmış, şaxtaya, zərərvericilərə və xəstəliklərə qarşı davamlı olan “Qobustan”, “Quality” və “Qılçıqsız” toxum sortları əkilir. Cücərmə qabiliyyəti 92-95 faiz olan toxum sortları Naxçıvan Muxtar Respublikası Kənd Təsərrüfatı Nazirliyinin Toxumçuluq laboratoriyasında analiz olunub. Bu günə kimi 303 hektar sahədə səpin aparılıb. Hər hektara torpağın strukturuna uyğun 100 kiloqram zənginləşdirilmiş qarışıq gübrə səpilir. Bu da cücərmədə və bitkinin vegetasiya dövründə inkişafı üçün mühüm rol oynayır.

Müasir texnika və texnoloji avadanlıqlarla təmin olunmuş “Bərəkət Toxumçuluq” Məhdud Məsuliyyətli Cəmiyyətinin taxıl əkini sahələri 2 min hektardır. Ərazinin 818 hektarında qapalı suvarma şəbəkəsi qurulub. Hazırda 661 hektar sahədə qapalı suvarma şəbəkəsinin qurulması davam etdirilir.

Ali Məclisin Sədri torpaq mülkiyyətçilərinin keyfiyyətli və məhsuldar toxum sortları ilə təmin edilməsinin vacibliyini bildirib, muxtar respublikada dəmyə taxıl əkininin genişləndirilməsi, növbəli əkinə üstünlük verilməsi, ərazidə qoruyucu yonca əkininin aparılması və qapalı suvarma şəbəkəsinin qurulması barədə müvafiq tapşırıqlar verib.

Digər rəsmi xəbərlər

Naxçıvan Muxtar Respublikası Ali Məclisində mükafatların təqdimatı olub
Ali Məclisin Sədri İsrailin səfiri ilə görüşüb - VİDEO
Ali Məclisin Sədri Sərəncam imzaladı
Ali Məclisin Sədri Fərman imzaladı
Muxtar respublikada payızlıq taxıl əkini aparılır
Naxçıvan Muxtar Respublikası Ali Məclisində qəbul
Naxçıvanda “Avropa şəhərciyi”nin açılışı olub
Naxçıvan Muxtar Respublikası Ali Məclisində görüş - VİDEO
Naxçıvanda yeni Asfalt-Beton Zavod Kompleksi istifadəyə verilib
Naxçıvanda Aşura mərasimləri keçirilib
 Naxçıvanda yeni xidmət rəisi təyin edildi
Naxçıvanda yüksək bal toplamış tələbələrlə görüş olub
 Naxçıvan Muxtar Respublikası Ali Məclisində müşavirə keçirilib
Ordubad rayonunda Rabitə Evi və Yeni Nəsil Telekommunikasiya Sistemi istifadəyə verilib
 Muxtar respublikaya yeni kənd təsərrüfatı texnikaları gətirilib
Ağbulaq Xizək Mərkəzinin təməli atılıb
Naxçıvan Muxtar Respublikası Ali Məclisində görüş
Naxçıvan Şəhər Nəqliyyat İdarəsinə yeni avtobuslar verilib
Qarabağlar Türbə Kompleksi bərpa olunub
 Muxtar respublikada taxıl biçini aparılır
Babək rayonunun Şəkərabad kəndində içməli su və kanalizasiya şəbəkəsi istifadəyə verilib
Ali Məclisin Sədri sərəncam imzaladı
Heydər Əliyev adına Hərbi Liseyin 20 illik yubileyi və 18-ci buraxılışı münasibətilə tədbir keçirilib
Naxçıvan Muxtar Respublikası Ali Məclisində görüş
Naxçıvanda Milli Qurtuluş Günü qeyd olunub
Geriyə
İrəli