NUHÇIXAN İnformasiya Agentliyi xəbər verir ki, Mərkəzdə olan tələbələrin diqqətinə çatdırılıb ki, muxtar respublikanın rayon və kəndlərində heyvandarlığın inkişafı ilə bağlı həyata keçirilən Dövət Proqramları, damazlıq heyvandarlıq, süni mayalanma texnikası və damazlıq uçotun aparılması ilə bağlı şəxsi və fermer təsərrüfatlarında maarifləndirici tədbirlərin aparılması bu ixtisas üzrə təhsil alan tələbələrin əsas vəzifələrindən biridir.
Baytarlıq klinikasında isə heyvanların müayinəsini izləyən tələbələrin bu sahədə qazandığı təcrübə nəzəri biliklərin gələcəkdə tətbiqində böyük əhəmiyyətə malikdir
Muxtar respublikada yeni Süni Mayalanma Mərkəzinin yaradılması tələbələrin təcrübi dərslərinin keçirilməsində mühüm baza rolunu oynayır və gələcəyin ixtisaslı kadrlarının hazırlanmasına töhfə verir. Naxçıvan Dövlət Universiteti “Baytarlıq” ixtisası üzrə təhsil alan tələbələrin təhsil haqlarından azad edilməsi də bu sahəyə göstərilən dövlət qayğısının bariz ifadəsidir.
Qeyd edək ki, 2020-ci il fevral ayının 17-də Naxçıvan Muxtar Respublikası Ali Məclisinin Sədri cənab Vasif Talıbov “2020-2025-ci illərdə Naxçıvan Muxtar Respublikasında baytarlıq təbabətinin inkişafı üzrə Dövlət Proqramı”nın təsdiq edilməsi haqqında Sərəncam imzalayıb. Bu günədək muxtar respublikamızda 83 min başa yaxın mal və camışlarda süni mayalanma aparılıb, 60 minə yaxın cins buzov alınıb.
Səadət Əliyeva
NTV canlı
Radio canlı
Nuhçıxan