Avropanın nəhəng klubları tərəfindən yaradılan Superliqada iştirak edə biləcək daha 3 komandanın adına aydınlıq gətirilib.
NUHÇIXAN İnformasiya Agentliyi xəbər verir ki, bu barədə məşhur jurnalist Nikola Skira özünün tvitter səhifəsində yazıb.
O bildirib ki, Almaniyanın "Bavariya", "Leyptsiq" və Portuqaliyanın "Portu" klubu Superliqaya qoşula bilər.
Qeyd edək ki, daha əvvəl İngiltərənin “Mançester Yunayted”, “Mançester Siti”, “Tottenhem”, “Liverpul”, “Çelsi”, “Arsenal”, İspaniyanın “Barselona”, “Atletiko” (Madrid), “Real Madrid”, İtaliyanın “Milan”, “İnter” və “Yuventus” klubları turnirdə iştirakını təsdiqləyib.
"Real Madrid"in prezidenti Florentino Peres Superliqanın sədri olub. Yarışda iştirak edəcək hər bir kluba 350 milyon avro ödəniləcək. UEFA və FIFA bu turnirin əleyhinə çıxıb.
NTV canlı
Radio canlı
Nuhçıxan