Naxçıvan televiziyası İnformasiya Agentliyi xəbər verir ki, Gənclər və İdman Nazirliyinin təşkilatçılığı ilə keçirilən ekskursiyada gənclər muzeyin ekspozisiyası ilə tanış olublar.
Məlumat verilib ki, muzey Naxçıvan Muxtar Respublikası Ali Məclisi Sədrinin “Naxçıvan şəhərində Dövlət Bayrağı Meydanı və Muzeyinin yaradılması haqqında” 2014-cü il 22 avqust tarixli Sərəncamına əsasən yaradılıb, 2014-cü il noyabrın 17-də fəaliyyətə başlayıb. Muzeydə XIX əsrə aid Kəngərli süvari dəstəsinin döyüş bayrağı, XII əsr Eldənizlər dövlətinin bayrağı, Naxçıvan xanlığının gerbi və bayrağı, Kəngərli süvarilərinin fəxri bayrağı, Naxçıvan qəzasının gerbi, Naxçıvan bəy drujinasının bayrağı, Naxçıvanda zərb olunmuş sikkələrin fotosurətləri, eləcə də müxtəlif dövrlərə aid dövlət bayraqları və digər dəyərli eksponatlar nümayiş etdirilir.
Ekskursiya gənclərdə xoş təəssürat yaradıb.
NTV canlı
Radio canlı
Nuhçıxan