“Real” “Qarabağ”ın Avropa Liqasındakı rəqibinin üç futbolçusu ilə maraqlanır

Almaniya təmsilçisi “Bayer 04”ün üç futbolçusu Madrid “Real”ının maraq dairəsinə düşüb.

Naxçıvan televiziyası-ın məlumatına görə, bu barədə “Football Transfers” məlumat yayıb.

İspaniya klubunun müdafiəçi Ceremi Frimponq, yarımmüdafiəçi Florian Virts və hücumçu Viktor Bonifasla maraqlandığı iddia olunur.

Bu mövsüm Frimponq 16 oyun keçirib, 5 qol vurub və 7 məhsuldar ötürmə edib. Virtsin 17 oyunda 6 qol və 10 məhsuldar ötürməsi var, Bonifas isə 16 oyunda 11 qol vurub, 6 məhsuldar ötürmə ilə yadda qalıb.

Xatırladaq ki, Leverkuzen təmsilçisi UEFA Avropa Liqasının H qrupunda Azərbaycan çempionu “Qarabağ”ın rəqibidir. Turnir çərçivəsində keçirilən son matçda “köhlən atlar” almanlara uduzub.