Naxçıvan televiziyası İnformasiya Agentliyi xəbər verir ki, görkəmli yazıçının Naxçıvan şəhərindəki ev muzeyində “Azərbaycan ədəbiyyatında Cəlil Məmmədquluzadə realizmi” mövzusunda açıq dərs keçirilib. Açıq dərsdə Naxçıvan Muxtar Respublikası Mədəniyyət Nazirliyinə hamiliyə verilmiş Naxçıvan Dövlət Universitetinin “Muzeyşünaslıq, arxiv işi və abidələrin qorunması” ixtisası üzrə təhsil alan tələbələr iştirak ediblər.
Dərsi muzeyin direktoru Aytən Ələkbərova keçib. Bildirilib ki, Cəlil Məmmədquluzadə Azərbaycan ədəbiyyatının yeni mərhələyə yüksəlməsində müstəsna rol oynamış və bütöv bir ədəbi məktəb formalaşdırmış qüdrətli şəxsiyyətdir.
Muzeydə nümayiş etdirilən Cəlil Məmmədquluzadənin əsərləri, o cümlədən “Molla Nəsrəddin” jurnalının müxtəlif illərə aid nüsxələri, yazıçının və onun ailəsinə məxsus şəxsi məişət əşyaları, ədibin müasirlərinə aid əsərlər və digər qiymətli eksponatlar tələbələr tərəfindən maraqla izlənilib.
Xosrov İbrahimov
NTV canlı
Radio canlı
Nuhçıxan