“Azərbaycan yanındadır, Türkiyəm” adlı klip hazırlanıb - VİDEO

Azərbaycan Ordusunun Sənədli və Tədris Filmləri Mərkəzi Əməkdar incəsənət xadimi, Prezidentin fərdi təqaüdçüsü, şair-publisist, polkovnik Abdulla Qurbaninin Türkiyənin müxtəlif bölgələrində baş vermiş güclü meşə yanğınları ilə əlaqədar qardaş türk xalqına ünvanlanan “Azərbaycan yanındadır, Türkiyəm” şeiri əsasında klip hazırlayıb.

Bu barədə Müdafiə Nazirliyinin mətbuat xidmətindən NUHÇIXAN İnformasiya Agentliyinə verilən xəbərdə bildirilir ki, klipdə Azərbaycan Prezidenti İlham Əliyevin yanğınlarla əlaqədar Türkiyə Prezidenti Rəcəb Tayyib Ərdoğana ünvanladığı məktubda əks olunan fikirlərə xüsusi yer verilib. Klipdə, həmçinin qardaş türk xalqının yanğınların qarşısının alınmasında göstərdiyi fədakarlıq tərənnüm olunur. “Bir millət, iki dövlət” olan qardaş xalqlarımızın bu çətin günlərdə çiyin-çiyinə verərək yanğınların söndürülməsində göstərdiyi əzmkarlıq xüsusi vurğulanır. Eləcə də tarix boyu bir sıra çətinliklərin öhdəsindən uğurla gələn Türkiyə dövlətinin və türk xalqının bu ağır sınaqdan da üzüağ çıxacağına qəti əminlik ifadə edilib.

Xəbər lenti
Çox oxunan xəbərlər