Rusiya və ABŞ prezidentləri Vladimir Putin və Donald Tramp ötən gün baş tutmuş telefon danışığı zamanı köməkçilərinə onların görüşünün hazırlanmasına dərhal başlamağı tapşırmaqla bağlı razılığa gəliblər.
Naxçıvan televiziyası Rusiya KİV-ə istinadən xəbər verir ki, bunu Rusiya prezidentinin mətbuat katibi Dmitri Peskov jurnalistlərə açıqlamasında bildirib.
"Dövlət başçıları dünən telefon danışığı zamanı həm şəxsi təmasların davam etdirilməsi və ayrıca görüşün təşkili, həm də köməkçilərə müvafiq hazırlığa başlamaları ilə bağlı dərhal tapşırıqların verilməsi barədə razılığa gəliblər ", - o qeyd edib.
D.Peskov, həmçinin bildirib ki, telefon danışığı zamanı Rusiyaya qarşı sanksiyaların ləğvi məsələsi qaldırılmayıb, bununla belə Moskva onları qanunsuz hesab edir.
NTV canlı
Radio canlı
Nuhçıxan