Böyük Britaniyanın yeni Baş naziri Endi Börnhem İngiltərədə fəaliyyət göstərən pub, gecə klubu və canlı musiqi məkanları üçün biznes vergisinin 20 faiz azaldılacağını açıqlayıb.
NTV xəbər verir ki, Baş nazirin ofisinin yaydığı məlumata görə, yeni güzəşt 2027-ci ilin aprel ayından qüvvəyə minəcək və orta hesabla bir pubun gələn il təxminən 1100 funt sterlinq vergi qənaəti etməsinə imkan verəcək.
Hökumətin hesablamalarına əsasən, tədbirin dövlət büdcəsinə təxminən 100 milyon funt sterlinq başa gələcəyi gözlənilir. Bu vəsait bizneslər üçün tətbiq olunan bəzi vergi güzəştlərinə, o cümlədən elektron siqaret mağazalarına verilən güzəştlərin yenidən nəzərdən keçirilməsi hesabına maliyyələşdiriləcək. Güzəşt böyük canlı musiqi məkanlarına şamil olunmayacaq.
NTV canlı
Radio canlı
Nuhçıxan