“Barselona” müdafiəçisinə yeni müqavilə təklif edib

“Barselona” müdafiəçi Ronald Arauxoya yeni müqavilə təklif edib.

Naxçıvan televiziyası-ın “Mundo Deportivo”ya istinadən məlumatına görə, klub futbolçu ilə 2026-cı ildə bitəcək müqavilənin müddətini uzatmaq niyyətindədir.

Rəhbərlik qış “transfer pəncərəsi”ndə futbolçunun komandadan ayrılmasını istəmir. Yarımmüdafiəçi Kataloniya təmsilçisinin bir neçə təklifini rədd edib. Arauxonun İtaliyanın "Yuventus" klubuna keçəcəyi gözlənilir. Hətta Turin təmsilçisinin Ronald üçün "Barselona"nın tələb etdiyi 50 milyon avronu ödəməyə hazır olduğu bildirilir.

Qeyd edək ki, 25 yaşlı uruqvaylı müdafiəçi cari mövsümdə İspaniya Kubokunda bir oyuna çıxıb və məhsuldar ötürmə edib. “Transfermarkt” portalı futbolçunun dəyərini 55 milyon avro qiymətləndirir.