Premyer Liqa: "Turan Tovuz" "Şamaxı"nı, "Neftçi" "Araz-Naxçıvan"ı qəbul edəcək

Misli Premyer Liqasında II turun növbəti oyunları bu gün keçiriləcək.

NTV-nin məlumatına görə, ilk olaraq "Turan Tovuz" "Şamaxı"nı qəbul edəcək.

Tovuz şəhər stadionunda reallaşacaq görüş saat 18:30-da start götürəcək. Meydan sahibləri ötən tur "Qəbələ"yə qalib gəlib (1:0), qonaqlar isə "Qarabağ"a (1:3) uduzub.

Günün ikinci matçında "Araz-Naxçıvan" "Neftçi"nin qonağı olacaq. Bu oyun saat 20:45-də başlayacaq. Paytaxt klubu ilk turda "Sumqayıt"ı üstələyib (3:1), Naxçıvan təmsilçisi isə "İmişli" ilə qolsuz heç-heçə edib.

Misli Premyer Liqası

I dövrə, II tur

23 avqust

18:30. "Turan Tovuz" – "Şamaxı"

Hakimlər: Rauf Cabarov, Eyyub İbrahimov, Tərlan Talıbzadə, Nicat İsmayıllı.

VAR: Vüqar Həsənli.

AVAR: Zeynal Zeynalov.

Hakim-inspektor: Munis Abdullayev.

AFFA nümayəndəsi: Eldəniz Musayev.

Tovuz şəhər stadionu

20:45. "Neftçi" – "Araz-Naxçıvan"

Hakimlər: Rəşad Əhmədov, Elşad Abdullayev, Zöhrab Abbasov, Kamran Əliyev.

VAR: Tural Qurbanov.

AVAR: Asiman Əzizli.

Hakim-inspektor: Ömər Paşayev.

AFFA nümayəndəsi: Emin Cəfərov.

"Palms Sports Arena"

Xatırladaq ki, ötən gün "Şəfa" səfərdə "Qəbələ"ni 1:0, "Zirə" evdə "İmişli"ni 3:1 hesabı ilə məğlub edib. Avrokuboklarda çıxışla əlaqədar bu turda "Sabah"ın "Sumqayıt"la, "Qarabağ"ın isə "Kəpəz"lə görüşləri təxirə salınıb.