KİV: Ukrayna sentyabr ayına qədər kritik mərhələ ilə üzləşə bilər

Qərb ölkələri Kiyevi tez bir zamanda daha çox silahla təmin etməsə, Ukrayna sentyabr ayına qədər kritik mərhələ ilə üzləşəcək.

NUHÇIXAN xəbər verir ki, bu barədə Almaniyanın “Velt” qəzeti yazıb.

Bildirilib ki, Ukraynada genişmiqyaslı müharibə davam edir: “2024-cü ildə Ukraynanın ələ keçirilmiş əraziləri geri qaytarmaq imkanı yoxdur. Əksinə, yeni ərazi itkiləri ola bilər”.

Nəşrin iddiasına görə, müharibə elə bu il də başa çata bilər: “Döyüşlərin daha bir neçə il davam edəcəyi ehtimalı yoxdur”.

Qeyd edək ki, Ukrayna Prezidenti Volodimir Zelenski daha əvvəl bildirmişdi ki, müharibənin nə vaxt başa çatacağını kimsə bilmir.

Xatırladaq ki, Rusiya ilə Ukrayna arasında müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl bildirib ki, Qərb dəstəyi dayandırsa, ölkəsi geri çəkiləcək. ABŞ hələ ki Ukraynaya yardımı dayandırıb. Bundan əvvəl xarici KİV-lər yazmışdı ki, ABŞ Ukraynadan hücumdan müdafiə strategiyasına keçməyi tələb edir. ABŞ dövlət katibi Antoni Blinken daha əvvəl Ukraynanın çətin vəziyyətdə olduğunu açıqlayıb. Türkiyənin xarici işlər naziri Hakan Fidan isə bildirib ki, Rusiya ilə Ukrayna arasında sülhün vaxtı çatıb. V.Zelenski daha əvvəl qeyd edib ki, atəşkəs həm Ukrayna, həm də Şərqi Avropa üçün ciddi təhlükə yaradacaq. NATO hərbi komitəsinin rəhbəri, admiral Rob Bauer bundan əvvəl Rusiya ilə müharibəyə hazır olduqlarını söyləyib. Kreml sözçüsü Dmitri Peskov daha əvvəl Rusiyanın de-fakto müharibə şəraitində olduğunu bildirib.