NTV xəbər verir ki, Naxçıvan Muxtar Respublikasında mərkəzi icra hakimiyyəti orqanlarının və digər idarəetmə qurumlarının rəhbərləri 2025-ci ilin dekabr ayında şəhər və rayonlarda vətəndaşların qəbulunu həyata keçirəcəklər. Qəbullar bölgələrdə əhalinin müraciətlərinin yerində dinlənilməsi, mövcud problemlərin operativ həllinə nail olunması və dövlət-vətəndaş ünsiyyətinin daha səmərəli qurulması məqsədi daşıyır.
Qəbul qrafikinə uyğun olaraq, rəhbər şəxslər ay boyunca Naxçıvan şəhəri ilə yanaşı, Babək, Şərur, Ordubad, Culfa, Kəngərli, Sədərək və Şahbuz rayonlarında sakinlərlə görüşəcəklər. Qəbullar zamanı sosial rifah, məşğulluq, infrastruktur, kənd təsərrüfatı, təhsil, səhiyyə, kommunal xidmətlər və digər sahələrlə bağlı müraciətlərin dinlənilməsi nəzərdə tutulur.
Müraciət edib qəbula yazılmaq istəyən vətəndaşlar müvafiq dövlət qurumlarına və elektron qaydada qeydiyyat sistemlərinə müraciət edə bilərlər.
Rəsmi qrafik Naxçıvan Muxtar Respublikasında idarəetmənin şəffaflığı və əhalinin dövlət qurumlarına əlçatanlığının təmin olunması istiqamətində həyata keçirilən işlərin davamı olaraq müəyyən edilib.
NTV canlı
Radio canlı
Nuhçıxan