Türkiyədə hoteldəki yanğınla bağlı saxlanılanların sayı artıb

Türkiyənin Bolu vilayətindəki Kartalkaya xizək kurortundakı hoteldə baş verən yanğınla bağlı saxlanılanların sayı 18 nəfərə çatıb.

Naxçıvan televiziyası xəbər verir ki, bu barədə “A haber” telekanalı məlumat yayıb.

Qeyd olunub ki, məhkəmə Bolu Bələdiyyə sədrinin müavini Sedat Gülənər, yanğınsöndürmə rəisinin müavini Kənan Coşkun və yanğınsöndürmə idarəsinin əməkdaşı İrfan Acarın həbs edilməsi barədə qərar çıxarıb.

Xatırladaq ki, hadisə yanvarın 21-də gecə baş verib. Hoteldə ümumilikdə 238 qonaq olub.

Yanğın nəticəsində 78 nəfər ölüb, 50-yə yaxın insan xəsarət alıb. Saxlanılan şəxslər hoteldə yanğın təhlükəsizlik qaydalarının pozulmasında ittiham edilir.