Ukraynanın bərpası üçün 500 milyard avro lazımdır

“Ukraynanın bərpası üçün 500 milyard avro tələb olunacaq”.

Naxçıvan televiziyası xəbər verir ki, bunu Ukraynanın Baş naziri Denis Şmıqal deyib.

O bildirib ki, bu, yaxın illərdə Avropa üçün əsas vəzifəyə çevrilə bilər. Onun sözlərinə görə, ölkənin bərpası üçün əsas resurs dondurulmuş Rusiya aktivləri olmalıdır: “Biz əminik ki, bu vəsait əsas mənbəyə çevriləcək. Onları müsadirə etməyin vaxtıdır”.

Baş nazir əlavə edib ki, irimiqyaslı layihələrin həyata keçirilməsində Avropa şirkətləri həlledici rol oynaya bilər.

“Hesablamalar göstərir ki, 500 milyard avro tələb olunan minimum məbləğdir. Bu, Avropa üçün iqtisadi əlaqələri gücləndirmək və yeni bazarlar yaratmaq şansıdır”.