Ali Rada Rusiyanın təcavüzü fonunda Ukraynada demokratiyanı dəstəklədikləri barədə qanun layihəsini 268 səslə təsdiq edib. Qanun layihəsində hərbi vəziyyət rejimi şəraitində seçkilərin keçirilməsinin mümkünsüzlüyündən söhbət gedir.
NUHÇIXAN xəbər verir ki, bu barədə Ukrayna parlamentinin deputatı Yaroslav Jeleznyak bildirib.
Qəbul edilən qərara uyğun olaraq, hazırda Ukraynada beynəlxalq müşahidəçilərin iştirakı ilə azad, şəffaf və demokratik seçkilərin təşkilinin mümkünsüzlüyünə görə məsuliyyətin məhz Rusiya Prezidenti Vladimir Putinin daşıdığı barədə xarici dövlətlərin parlament və hökumətlərinə, beynəlxalq təşkilatlara və parlament assambleyalarına müraciətlər edilib.
Eyni zamanda vurğulanıb ki, Ukraynada tətbiq edilən hərbi vəziyyət rejimi seçkilərin Konstitusiyaya uyğun keçirilməsinə imkan vermir.
Bəyanatda, həmçinin Ukrayna Prezidenti Volodimir Zelenskinin və Ali Radanın legitimliyi vurğulanır. Bundan əlavə, qeyd olunur ki, Zelenski səlahiyyətlərini yeni seçilən prezident vəzifəsinin icrasına başlayanadək davam etdirməlidir.
NTV canlı
Radio canlı
Nuhçıxan