Dünyanın dördüncü ən böyük şirkəti olan “Google”un sahibi “Alphabet” Böyük Britaniyada süni intellekt (AI) sahəsinə 5 milyard funt sterlinq investisiya yatıracağını elan edib.
NTV BBC-yə istinadla xəbər verir ki, şirkət bu vəsaitin önümüzdəki iki il ərzində infrastruktur və elmi tədqiqatlar üçün istifadə olunacağını bildirib. Bu, ABŞ Prezidenti Donald Trampın dövlət səfəri ərəfəsində açıqlanan iri ABŞ sərmayələrindən ilki olacaq.
“Google”un prezidenti və baş investisiya direktoru Rut Porat Böyük Britaniyada qabaqcıl elmlərdə aparıcı işlər üçün dərin imkanların mövcud olduğunu deyib. Şirkət bu gün maliyyə naziri Reyçel Rivzin iştirakı ilə Hertfordşirdəki Ualtham Kross şəhərində inşa edilən 735 milyon funtluq məlumat mərkəzinin açılışını keçirəcək. Rut Porat bildirib ki, ABŞ ilə Böyük Britaniya arasında xüsusi texnologiya tərəfdaşlığı mövcuddur.
NTV canlı
Radio canlı
Nuhçıxan