Polşanın Lublin voyevodalığının Stanislavka kəndində daha bir pilotsuz uçuş aparatı aşkar olunub.
NTV “RMF 24” radiostansiyasına istinadla xəbər verir ki, dron penopolistirol materialından hazırlanıb. Radiostansiya qeyd edir ki, bu qurğu ötən həftə ölkədə aşkar edilən digər dronlara bənzəyir.
Məlumata əsasən, pilotsuz aparat meşəlik əraziyə düşüb və ağaclarda ilişib qalıb.
“Ərazini nəzarətə götürdük, aidiyyəti qurumları və Lublin rayon prokurorluğunu məlumatlandırdıq”, – deyə bölgə polisindən bildirilib.
Qeyd edək ki, sentyabrın 9-dan 10-na keçən gecə 20-dən çox pilotsuz uçuş aparatı Polşanın hava məkanını pozub. Onlardan bir neçəsi vurulub, bir qismi isə Lublin voyevodalığında müxtəlif maneələrə dəyərək sınıb. Faktla bağlı prokurorluq tərəfindən istintaq aparılır.
NTV canlı
Radio canlı
Nuhçıxan