Avropa İttifaqı Amerika lideri Donald Trampın təklifinə əsaslanaraq Hindistan və Çin üçün avtomatik olaraq 100 faizlik rüsumlar tətbiq etmək niyyətində deyil.
NTV-nin məlumatına görə, bu barədə Belçikanın "Soir" qəzetinə müsahibəsində Avropa Komissiyasının sədri Ursula fon der Lyayen bildirib.
"Aİ öz qərarlarını qəbul edəcək. Bu xahiş prezidentin (Trampın - red.) Rusiyaya təzyiqi artırmaq istəyi ilə bağlıdır... Biz bilirik ki, daha da mürəkkəbləşən geosiyasi vəziyyətdə ümumi maraqlara əsaslanan tərəfdaşlığımızı gücləndirməliyik", - deyə o qeyd edib.
Avropa Komissiyasının sədri izah edib ki, Hindistanın Hind-Sakit okean regionunda təhlükəsizliyin təmin edilməsində artan rolunu nəzərə alaraq Aİ-nin bu ölkə ilə daha sıx əməkdaşlığı hər zamankından daha vacibdir.
"Məhz buna görə biz Aİ-Hindistan yeni strateji gündəliyini elan etdik ki, bunun da prioritetlərindən biri qarşılıqlı müdafiə və təhlükəsizliyimizin gücləndirilməsi olacaq. Biz 2025-ci ilin sonuna qədər hər iki tərəfin müəssisələrinə fayda gətirəcək yeni azad ticarət sazişi bağlamaq niyyətindəyik. Nəticədə bu saziş və digər oxşar sazişlər məqsədlərimizə çatmağa imkan verməklə geosiyasi mövqelərimizi gücləndirir", - deyə AK rəhbəri vurğulayıb.
NTV canlı
Radio canlı
Nuhçıxan