Avropalı rəqibləri ilə müqayisədə daha kəskin iqtisadi eniş yaşadığı üçün növbəti üç il ərzində “Stellantis” şirkətinin avtomobil istehsalının azalacağı gözlənilir.
NTV xəbər verir ki, ekspertlərin noyabrın sonunda şirkətin təqdim etdiyi hesabata əsaslanaraq verdikləri proqnoza görə, 2025-2028-ci illər ərzində şirkətin Fransadakı beş avtomobil zavodunda istehsalat 11 faiz azalacaq.
“McKinsey” konsaltinq kompaniyası isə öz növbəsində 2024-2028-ci illər arasında Avropada minik avtomobilləri istehsalının 6 faiz azalaraq 8,9 milyon ədədə düşəcəyini proqnozlaşdırır. Kompaniyanın məlumatına görə, ötən il istehsal 2017-ci il səviyyəsindən 30 faizdən çox aşağı düşüb və “Stellantis” bu müddət ərzində qitənin bütün əsas avtomobil istehsalçılarından daha pis nəticə göstərib.
Qeyd edək ki, 2025-ci ildən bəri “Stellantis” şirkətinin bazar kapitallaşması 27 faizdən çox - 34,5 milyard avroyadək azalıb.
NTV canlı
Radio canlı
Nuhçıxan