Rusiyanın Mari El Respublikasında yaz daşqınları yüzlərlə evi və bağ sahəsini suyun altında qoyub və yerli hökuməti bir neçə icmanın sakinlərini təxliyə etməyə məcbur edib.
NTV Rusiya Fövqəladə Hallar Nazirliyinə istinadla xəbər verir ki, daşqınlara qeyri-adi qarlı qış və qarın sürətlə əriməsi səbəb olub. Qar örtüyündə su ehtiyatı normal səviyyədən təxminən iki dəfə artıqdır. Nəticədə Malaya Kokşaqa və Rutka çaylarında suyun səviyyəsi uzunmüddətli orta göstəriciləri keçib, bəzi yerlərdə əlverişsiz və təhlükəli vəziyyət yaranıb.
Son məlumatlara görə, Yoşkar-Ola, Medvedevskoye və Qornomariyskoye rayonlarında 257 ev və 307 bağ sahəsi subasmaya məruz qalıb. Ən ciddi vəziyyət respublikanın paytaxtı Yoşkar-Olada yaranıb; burada 142 ev suyun altında qalıb, eləcə də bəzi yerlərdə suyun səviyyəsi piyadaların hərəkətini qeyri-mümkün edib. Sakinləri qayıqlarla bir neçə kənddən təxliyə ediblər.
NTV canlı
Radio canlı
Nuhçıxan