Pakistanın Xayber Paxtunxva əyalətinin Haripur şəhərində qaz borusunun partlaması və ardınca baş verən yanğın nəticəsində səkkiz nəfərin öldüyü bildirilir.
NTV Anadolu agentliyinə istinadla xəbər verir ki, “Dawn” qəzetinin məlumatına görə, partlayış axşam saatlarında Xattar sənaye bölgəsindəki zavodun yaxınlığındakı qaz xəttində baş verib.
Yanğın nəticəsində uşaqlar da daxil olmaqla səkkiz nəfər həlak olub, 11 nəfər yaralanıb.
Yanğının səbəbi hələlik müəyyən edilməyib. Yaralılar yaxınlıqdakı xəstəxanalara aparılıb.
Hakimiyyət orqanlarının məlumatına görə, yanğın hadisə yerindən təxminən 200 metr məsafədə yerləşən yaşayış binalarına da yayılıb. Qaz təchizatının kəsilməsinə baxmayaraq, yanğın azı iki saat davam edib, alovların söndürülməsi çətinləşib.
Hazırda yanğın söndürülüb və insidentin səbəbi ilə bağlı araşdırma aparılır.
NTV canlı
Radio canlı
Nuhçıxan