Türkiyənin xarici işlər naziri Hakan Fidan cümə günü Antalya Diplomatiya Forumu çərçivəsində Türkiyə, Misir, Pakistan və Səudiyyə Ərəbistanı xarici işlər nazirlərinin üçüncü görüşünə ev sahibliyi edəcək.
NTV Anadolu agentliyinə istinadla xəbər verir ki, Türkiyə Xarici İşlər Nazirliyinin mənbələrinə görə, görüş cümə günü Antalyada Hakan Fidanın sədrliyi ilə keçiriləcək.
Nazirlərin regional məsələləri müzakirə edəcəkləri, xüsusilə də ABŞ və İsrailin İranla müharibəsinə regional həllər tapmağa diqqət yetirəcəkləri gözlənilir.
Fidan hələ martın 18-də Səudiyyə Ərəbistanının paytaxtı Ər-Riyadda keçirilən və son regional inkişafları müzakirə etmək üçün Türkiyə, Azərbaycan, Qətər, Bəhreyn, Misir, İordaniya, Küveyt, Livan, Pakistan, Səudiyyə Ərəbistanı, Suriya və Birləşmiş Ərəb Əmirliklərinin xarici işlər nazirlərini bir araya gətirən daha geniş regional görüşdə iştirak etmişdi.
Türkiyənin xarici işlər naziri həmin görüş çərçivəsində Pakistan, Misir və Səudiyyə Ərəbistanından olan həmkarları ilə ayrıca dördtərəfli görüş də keçirib.
Bu formatda ikinci görüş martın 29-da Pakistanın paytaxtı İslamabadda həmin danışıqların davamı olaraq baş tutub. Ən son olaraq, aprelin 14-də İslamabadda xarici işlər nazirinin müavinləri səviyyəsində daha bir görüş təşkil olunub.
NTV canlı
Radio canlı
Nuhçıxan