“Rosatom” dövlət korporasiyası Türkiyədəki “Akkuyu” Atom Elektrik Stansiyasının ilk enerji blokunu ölkənin elektrik şəbəkəsinə 2026-cı ilin sonunda qoşmağı planlaşdırır. Bununla da ölkədə ilk atom stansiyasının istismara verilməsinin əsas mərhələsi başa çatdırılacaq.
NTV xəbər verir ki, bu barədə dövlət korporasiyasının baş direktoru Aleksey Lixaçev Türkiyədə stansiyanın tikinti meydançasında bildirib.
“Rosatom”un rəhbəri qeyd edib ki, 2026-cı ildə ilk elektrik enerjisinin əldə olunması üçün Türkiyə və Rusiya tənzimləyici qurumlarının nəzarəti altında bütün kompleks prosedurlar yerinə yetirilməlidir.
O, həmçinin vurğulayıb ki, layihə Vladimir Putin və Recep Tayyip Erdoğan tərəfindən xüsusi diqqət mərkəzində saxlanılır. Onun sözlərinə görə, bu, həm məsuliyyəti, həm də layihənin əhəmiyyətini artırır.
Bundan əlavə, Lixaçev Türkiyə şirkətlərinin “Akkuyu” AES layihəsinin nizamnamə kapitalında iştirakına marağın artdığını bildirib. Bir sıra potensial investorlarla artıq konkret danışıqlar aparılır.
“Əminəm ki, həm Türkiyə podratçıları, həm də indiki halda “Rosatom” dövlət korporasiyası və onun bütün bölmələri bu ilin Türkiyənin atom enerjisi əldə etdiyi il olması üçün əllərindən gələni edəcəklər”, – deyə o bildirib.
NTV canlı
Radio canlı
Nuhçıxan