Avropa temperaurun ən sürətlə istiləşdiyi qitə olaraq qalır və Aİ-nin “Copernicus” Yer Müşahidə Proqramı və BMT-nin Dünya Meteorologiya Təşkilatı (WMO) tərəfindən hazırlanan “European State of the Climate” hesabatının son məlumatları iqlim ekstremumlarının artdığını təsdiqləyir.
NTV xəbər verir ki, 2025-ci ildə Türkiyənin Silopi şəhərində temperatur 50,5°C-yə çatıb ki, bu da ölkə tarixində ilk dəfə temperaturun 50°C-ni keçdiyi bir haldır. Eyni zamanda, Skandinaviyanın şimal bölgələrində, Şimal Qütb Dairəsindən kənarda 30°C-dən yuxarı temperatur qeydə alınıb, iyul istiliyi isə rekord - 21 gün davam edib.
Ekoloji vəziyyət də pisləşir. Meşə yanğınları əsasən İspaniya və Portuqaliyada 1 milyon hektardan çox ərazini əhatə edib, bu da rekord miqdarda karbon qazı tullantılarına səbəb olub. Avropa və Qrenlandiyadakı buzlaqlar sürətlə əriməyə davam edir. Cəmi bir il ərzində Qrenlandiya təxminən 139 milyard ton buz itirib ki, bu da ardıcıl 29-cu il buz örtüyü itkisidir.
Hidroloji göstəricilər həyəcan doğurur. Torpağın nəmlik səviyyəsi 1992-ci ildən bəri ən aşağı göstəricilərdən biri olub, Avropa çaylarının 70%-də isə su səviyyəsi normadan aşağı olub. Bu arada, dəniz səthinin temperaturu ardıcıl dördüncü ildir ki, rekord səviyyədə qalır. Belə ki, dəniz sularının 86%-də güclü dəniz istiliyi dalğaları müşahidə olunub. Bu dəyişikliklər fonunda enerji sektoru irəliləyiş nümayiş etdirir.
Bərpaolunan enerji mənbələrinin payı 30,5%-ə çatıb, Günəş enerjisi isə 10,3%-dən 12,5%-ə yüksəlib. Lakin ekspertlər xəbərdarlıq edirlər ki, quru şərait su elektrik stansiyalarının səmərəliliyini azalda bilər ki, bu da davamlı enerji sisteminin qurulmasına daha kompleks yanaşma tələb edir.
NTV canlı
Radio canlı
Nuhçıxan