Bloomberg cümə axşamı etibarlı mənbələrə istinadla xəbər verib ki, ABŞ Mərkəzi Komandanlığı “İrana qarşı mümkün istifadə” üçün Yaxın Şərqdə “Dark Eagle” hipersəs raket sistemini yerləşdirməyi xahiş edib. Bu məlumat təsdiqlənərsə, həmin tələb Vaşinqtonun hələ tam işlək vəziyyətdə elan edilməmiş sistemi ilk dəfə yerləşdirməsi olacaq.
NTV xəbər verir ki, “Bloomberg”in məlumatına görə, tələblə bağlı hələlik heç bir qərar verilməyib və təklif ictimaiyyətə açıqlanmayıb.
ABŞ ilə İran arasında aprelin 9-dan bəri kövrək atəşkəs mövcuddur, lakin agentliyin məlumatında Prezident Donald Trampın müharibəyə davam etmək qərarına gələcəyi təqdirdə tələbin əlavə zərbələrə hazırlıq siqnalı ola biləcəyi göstərilir.
Uzaqmənzilli hipersəs silahı (LRHW) kimi də tanınan “Dark Eagle” sisteminin zərbə məsafəsinin 1725 mildən (2776 kilometr) çox olduğu güman edilir, baxmayaraq ki, onun tam imkanları gizli saxlanılır. Sistem səsdən beş dəfədən çox sürətlə hərəkət etmək üçün hazırlanıb və uçuşun ortasında ələ keçirilməmək üçün trayektoriyasını tənzimləyə bilir.
NTV canlı
Radio canlı
Nuhçıxan