Birləşmiş Ərəb Əmirliklərinin (BƏƏ) Müdafiə Nazirliyi mayın 8-də ölkənin hava hücumundan müdafiə sistemlərinin İrandan atılan iki ballistik raketi və üç dronu ələ keçirdiyini, hücum nəticəsində üç nəfərin orta dərəcəli xəsarət aldığını açıqlayıb.
NTV rəsmi “Emirates” agentliyinə istinadla xəbər verir ki, nazirliyin bəyanatında deyilir: “İranın Birləşmiş Ərəb Əmirliklərini hədəf alan açıq hücumlarının başlanğıcından bəri hava hücumundan müdafiə sistemləri 551 ballistik raket, 29 qanadlı raket və 2263 PUA ələ keçirib. Yaralanan şəxslərin ümumi sayı artıq 230-a çatıb. Bunlara BƏƏ, Misir, Sudan, Efiopiya, Filippin, Pakistan, İran, Hindistan, Banqladeş, Şri-Lanka, Yəmən, Uqanda, Eritreya, Livan, Əfqanıstan, Bəhreyn, Komor, Türkiyə, İraq, Nepal, Nigeriya, Oman, İordaniya, Fələstin, Qana, İndoneziya, İsveç, Tunis, Mərakeş və Rusiya vətəndaşları daxildir.
Həlak olanların ümumi sayı isə üç nəfərə çatıb, bunlardan biri Silahlı Qüvvələrlə müqavilə bağlayan Mərakeş mülki vətəndaşıdır. Ölən mülki şəxslərin ümumi sayı isə 10 nəfərdir.
Müdafiə Nazirliyi dövlətin suverenliyini, təhlükəsizliyini və sabitliyini, milli maraqlarını və imkanlarını qoruyur, istənilən təhdidlərə qarşı mübarizə aparmağa hazırdır. Həmçinin dövlətin təhlükəsizliyini pozmağa yönəlmiş bütün cəhdlərə qətiyyətlə cavab veriləcək”.
NTV canlı
Radio canlı
Nuhçıxan