Naxçıvan Dövlət Universitetinin bir qrup tələbəsi 2024-2025-ci tədris ilində növbəti dəfə tələbə mobilliyi vasitəsilə yerli və xarici universitetlərdə təhsillərini davam etdirəcəklər.
NUHÇIXAN xəbər verir ki, bu barədə tələbə mobilliyi ilə əlaqədar keçirilən görüşdə universitetin rektoru Elbrus İsayev məlumat verib. Rektor Naxçıvan Dövlət Universitetinin yerli və xarici universitetlərlə xüsusilə də Türkiyə universitetləri ilə əlaqələrindən danışıb. Bildirib ki, bağlanan əməkdaşlıq müqavilələri və ikili diplom proqramları vasitəsilə müəllim və tələbələrin həmin universitetlərdə bir müddətlik təhsil və fəaliyyətini davam etdirmə, təcrübə və dərs keçməsi təmin edilir. Burada da əsas məqsəd təhsildə daha keyfiyyətli və innovativ yanaşmaları tələbələrə öyrətmək , digər üniversitetlərin proqramlarından istifadə edərək daha yaxşı mütəxəssis kimi formalaşmalarına imkanlar yaratmaqdır.
Tələbələrlə keçirilən görüşdə Beynəlxalq əlaqələr şöbəsinin müdiri Ruqiyyə Kərimova bu dəfə də tələbə mobilliyi sahəsində 50-dən artıq tələbənin mübadiləsinin bir sıra universitetlərlə əldə olunan razılığa əsasən aparıldığını qeyd edib. İqtisadiyyat, Hüquqşünaslıq, Baytarlıq, Jurnalistika, Torpaqşünaslıq və aqrokimya, Coğrafiya, Biologiya və digər ixtisaslarından tələbələrin mübadiləyə gedəcəyini söyləyib. Xüsusilə də universitet üçün prioritet olan İnformasiya texnologiyaları, Energetika mühəndisliyi, Kompüter mühəndisliyi ixtisaslarından tələbələrin üstünlük təşkil etdiyinə , bir neçə ixtisasın tədrisi ingilis dilində olduğuna diqqət çəkib. Vurğulayıb ki, Naxçıvan Dövlət Universiteti ilə Azərbaycan Dillər Universiteti, Türkiyənin İstanbul Aydın Universiteti, Gazi Üniversiteti, Qaradəniz Texnik Universiteti, Pamukkale Universiteti, Erzurum Atatürk Universiteti, Qafqaz Universiteti arasında imzalanmış əməkdaşlıq müqavilələri var .Ali təhsil ocağının müvafiq ixtisaslarında təhsil alan tələbələr bir semestr müddətində qardaş ölkənin nüfuzlu universitetlərində təhsillərini davam etdirəcəklər
Beynəlxalq münasibətlər və Hüquq fakültəsinin akt zalında keçirilən görüşdə sonda universitetin rektoru Elbrus İsayev tələbələrə öz tövsiyyələrini söyləyib, onları təbrik edərək elmi nailiyyətlər arzu edib.
Kifayət Mahmudova
Media və İctimaiyyətlə əlaqələr şöbəsinin müdiri
NTV canlı
Radio canlı
Nuhçıxan