satellite   Azerspace-1: 11135 H 30000

"Trabzonspor" - "Fənərbağça" oyununda yaşananlara görə intizam işi açılan futbolçular bəlli olub

"Trabzonspor" - "Fənərbağça" oyununda yaşananlara görə intizam işi açılan futbolçular bəlli olub

Türkiyə Futbol Federasiyası (TFF) "Fənərbağça" klubunun üç futbolçusuna qarşı intizam işi açıb.

Naxçıvan televiziyası TFF-nin rəsmi saytına istinadən xəbər verir ki, bunlar Osayi Samuel, Ceyden Ostervolde və İrfan Can Eğribayatdır.

Samuel Superliqanın XXX turunda "Trabzonspor"la matçda davada iştirak etməkdə, Ostervolde ilə Eğribayat isə idmançıya yaraşmayan hərəkət və həmin hadisəyə qatılmaqda ittiham olunurlar.

Bundan əlavə, İstanbul təmsilçisinin rəsmiləri Kürşat Çiftlik və Ozan Özkana da eyni səbəbdən intizam işi açılıb.

Qara dəniz klubunun köməkçi məşqçisi Egemen Korkmazın da sözügedən qarşılaşmada davada iştirakı ucbatından cəzalanacağı gözlənilir.

Qeyd edək ki, qarşılaşmadan sonra meydana daxil olan azarkeşlərlə İstanbul klubunun futbolçuları arasında insident yaşanıb. Tərəfdarlar final fitindən sonra qələbəni qeyd edən oyunçulara hücum ediblər. Hadisəyə təhlükəsizlik əməkdaşları müdaxilə ediblər. Matç "Fənərbağça"nın 3:2 hesablı qələbəsi ilə yekunlaşıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

Xəbər lenti
Çox oxunan xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək:

CANLI YAYIM