İlham Əliyev adına Olimpiya İdman Kompleksində oğlan və qız voleybolçuların U-18, U-16, U-14 və U-12 yaş kateqoriyaları üzrə muxtar respublika zona birinciliyi keçirilir.
Nazirliyinin mətbuat xidmətindən Naxçıvan televiziyası-a verilən məlumata görə, Naxçıvan Muxtar Respublikasının Gənclər və İdman, Təhsil nazirlikləri və Naxçıvan Voleybol Federasiyasının birgə təşkil təşkil etdikləri yarışda şəhər və rayon komandaları olmaqla, ümumilikdə 32 kollektiv mübarizə aparır. Olimpiya sistemi əsasında qaliblərin müəyyənləşəcəyi birinciliyin ilk mərhələsinə sentyabrın 27-si start verilib. Yanvarın 31-də ilkin mərhələ yekunlaşacaq. Final görüşləri isə fevral ayı ərzində təşkil olunacaq.
Qeyd edək ki, aşağı yaş kateqoriyalarında voleybol yarışları Naxçıvanda ilk dəfədir keçirilir. Yarışın keçirilməsində əsas məqsəd 2025-ci il ərzində aşağı yaş kateqoriyaları üzrə yeniyetmə oğlan və qız voleybolçular arasında keçiriləcək Azərbaycan çempionatlarında Naxçıvanı təmsil edəcək komandaların tərkibini müəyyənləşdirmək, yeniyetmə voleybolçuların oyun bacacarıqlarını artırmaqdan ibarətdir.
NTV canlı
Radio canlı
Nuhçıxan