NTV xəbər verir ki, “Azərişıq” ASC-nin Naxçıvan Regional Enerji Təchizatı və Satışı İdarəsinin təşkilatçılığı ilə 8 Noyabr – Zəfər Gününə həsr olunmuş şəbəkələrarası mini-futbol turniri keçirilib.
Turnirin keçirilməsində məqsəd 44 günlük Vətən müharibəsində qazanılmış tarixi Zəfərin təbliği, əməkdaşlar arasında sağlam həyat tərzinin təşviqi, idmanın kütləviləşdirilməsi, eləcə də komanda ruhunun və kollektivlərarası əlaqələrin gücləndirilməsidir.
İdarənin müxtəlif elektrik şəbəkələrini təmsil edən komandaların iştirak etdiyi turnirin final qarşılaşmasında Sədərək və Naxçıvan Elektrik Şəbəkələrinin komandaları üz-üzə gəlib.
Gərgin idman mübarizəsi şəraitində keçən oyunun əsas vaxtı 4:4 hesabı ilə başa çatıb. Əlavə vaxtda hesab dəyişmədiyindən qalib penalti zərbələri ilə müəyyənləşib. Penalti seriyasında daha dəqiq oynayan Sədərək Elektrik Şəbəkəsinin komandası turnirin qalibi olub.
Sonda iştirakçılarla xatirə fotosu çəkdirilib.
NTV canlı
Radio canlı
Nuhçıxan