Naxçıvanda ötən ay 550 "ASAN İmza" sertifikatı verilib

Naxçıvan televiziyası xəbər verir ki, bu ilin yanvar ayında Naxçıvan Muxtar Respublikasında 550 "ASAN İmza" sertifikatı verilib.

Məlumata görə, bu, ötən ilin eyni dövrü ilə müqayisədə 45,6 % azdır.

Hesabat dövründə "ASAN İmza"lar 318 müraciət üzrə təqdim olunub ki, bu da 1 il əvvələ nisbətən 41,4 % azdır.

"ASAN İmza" elektron imza sertifikatlarının üç növü var: fiziki şəxslər (vətəndaşlar), hüquqi şəxslər və sahibkarlıq fəaliyyəti ilə məşğul olan fiziki şəxslər və dövlət qulluqçuları üçün elektron imza sertifikatları. Fiziki şəxslər üçün elektron imza sertifikatları şəxsi istifadə üçün nəzərdə tutulub. Hüquqi şəxslər və sahibkarlıq fəaliyyəti ilə məşğul olan fiziki şəxslər, həmçinin dövlət qulluqçuları üçün nəzərdə tutulan elektron imza sertifikatları isə kommersiya və ya dövlət təşkilatını təmsil etmək və onun adından çıxış etmək səlahiyyətləri verir.

Sertifikatlar 3 il etibarlıdır.