Festivala Beynəlxalq Xalça Forumu ilə start verilib. Forumda xalça sənayesinin aparıcı mütəxəssisləri, dizaynerləri, istehsalçıları və tədqiqatçıları bir araya gəliblər. Onlar qədim xalçaçılıq sənətinin incəlikləri və xalça sənayesinin inkişafına dair mövzuları müzakirə edirlər.
Beynəlxalq Xalça Festivalının əsas məqsədi Azərbaycanın xalçaçılıq sənətini dünya müstəvisində tanıtmaq, onun zəngin irsini və gələcək inkişaf perspektivlərini nümayiş etdirmək, dünya xalçaçılarının təcrübə və bacarıqlarından bəhrələnməkdir.
Qeyd edək ki, festivalda Naxçıvan Muxtar Respublikası Mədəniyyət Nazirliyinin tabeliyində fəaliyyət göstərən Kamil Əliyev adına Naxçıvan Dövlət Xalça Muzeyinin əməkdaşları da iştirak edir.
Festivalda türkdilli ölkələrin xalça nümunələri ilə yanaşı Naxçıvan Xalça məktəbinə xas, K.Əliyev adına Naxçıvan Dövlət Xalça Muzeyinin kolleksiyasında qorunan (IX- XX əsrlərə aid) 2 ədəd xovsuz xalça da sərgilənir.
NTV canlı
Radio canlı
Nuhçıxan