Azərbaycan Respublikası Prezidentinin Sərəncamına əsasən, “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nda Ailə Sağlamlıq Mərkəzlərinin yaradılması və müasir tibbi avadanlıqlarla təchiz edilməsi nəzərdə tutulub. NUHÇIXAN xəbər verir ki, bu çərçivədə Naxçıvan Muxtar Respublikası Səhiyyə Nazirliyi tərəfindən Ailə Sağlamlıq Mərkəzlərinə bir sıra vacib avadanlıqlar, o cümlədən rentgen aparatı, hematoloji analizator, EKQ, USM və digər zəruri avadanlıqlar alınıb. Alınan avadanlıqların bir qismi bu gün təhvil verilib, qalan hissəsi isə qısa müddət ərzində təhvil veriləcək.
Naxçıvan Muxtar Respublikasında həyata keçirilən bu təşəbbüs bölgələrdə yaşayan sakinlər üçün xüsusilə əhəmiyyətlidir. Ailə Sağlamlıq Mərkəzlərində bir çox tibbi yoxlanışların və diaqnostik xidmətlərin yerindəcə aparılması sayəsində sakinlər artıq uzaq məsafələr qət etmədən, vaxt və maddi resurslarına qənaət edərək yüksək keyfiyyətli tibbi xidmətlərdən faydalana bilirlər.
NTV canlı
Radio canlı
Nuhçıxan