Naxçıvan Muxtar Respublikası İctimai Səhiyyə Xidmətinin müasir tələblərə uyğun fəaliyyətini təmin etmək məqsədilə yeni avadanlıqların alınması həyata keçirilib. NUHÇIXAN xəbər verir ki, bu avadanlıqlar arasında sorucu şkaf və baksinerator xüsusi əhəmiyyət daşıyır.
Sorucu şkaf təhlükəsiz laboratoriya iş şəraitinin təmin edilməsi üçün nəzərdə tutulub. O, zərərli kimyəvi buxarların, qazların və digər maddələrin təsirini minimuma endirərək iş mühitində sağlamlığın qorunmasına imkan verir.
Digər tərəfdən, baksinerator tibbi tullantıların sterilizasiyası və məhv edilməsi üçün istifadə edilən müasir cihazdır. Bu avadanlıq infeksion xəstəliklərin yayılmasının qarşısını almaq və sanitar-gigiyenik tələbləri yüksək səviyyədə təmin etmək üçün əvəzsiz rol oynayır.
Həyata keçirilən bu addım ictimai səhiyyə sahəsində göstərilən xidmətlərin keyfiyyətini artıracaq və vətəndaşların sağlamlığının qorunmasında daha effektiv nəticələr əldə etməyə imkan yaradacaq.
NTV canlı
Radio canlı
Nuhçıxan