satellite   Azerspace-1: 11135 H 30000

Əli Əsədov: Son beş ildə 4 milyon nəfəri əhatə edən islahatlara 7 milyard manata yaxın əlavə vəsait yönəldilib

Əli Əsədov: Son beş ildə 4 milyon nəfəri əhatə edən islahatlara 7 milyard manata yaxın əlavə vəsait yönəldilib

Son beş ildə 4 milyon nəfəri əhatə edən 4 sosial islahat paketi icra olunub və bu islahatlara 7 milyard manata yaxın əlavə vəsait yönəldilib.

Naxçıvan televiziyası xəbər verir ki, bunu Baş nazir Əli Əsədov parlamentin dekabrın 5-də keçirilən plenar iclasında çıxışı zamanı deyib.

Baş nazir bildirib ki, hər il olduğu kimi 2024-cü ildə də büdcənin əsas xərc istiqamətlərindən biri əhalinin sosial müdafiəsi və sosial təminatı olacaq.

“Təsadüfi deyil ki, 2024-cü ilin dövlət büdcəsi xərclərinin 43 faizi, büdcənin cari xərclərinin isə 70 faizi məhz sosialyönlü xərclərdir (15,8 milyard manat). 2020-ci illə müqayisədə bu xərclər mütləq ifadədə 6 milyard manat və ya 1,6 dəfə artıb”, - deyə Əli Əsədov əlavə edib.

Baş nazir vurğulayıb ki, əhalinin bütün həssas qruplarına göstəriləcək sosial xidmətlərin effektivliyinin artırılması və xidmətlərə əlçatanlığın təmin edilməsi məqsədilə “Azərbaycan Respublikasında sosial xidmətin inkişafına dair 2023–2026-cı illər üçün Dövlət Proqramı”nı Prezident təsdiq edib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

Xəbər lenti
Çox oxunan xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək:

CANLI YAYIM