Rusiya və İrandan gətirilən 786 litr meyvə şirəsi, 1 500 kq ərik qurusu məhv edilib

Rusiya və İrandan idxal olunan bir sıra istehlaka yararsız məhsullar məhv edilib.

Bu barədə Naxçıvan televiziyası-a Azərbaycan Qida Təhlükəsizliyi Agentliyindən (AQTA) məlumat verilib.

Bildirilib ki, nəzarət tədbirləri çərçivəsində "Rəvan Commers" MMC-nin Rusiyadan idxal etdiyi “Multon Partners” müəssisəsinin istehsalı olan meyvə şirəsi, “Müstəqil Seymur” şirkətinin İrandan idxal etdiyi “Bazargani Mobin Artin Nikan” müəssisəsinin istehsalı olan ərik qurusundan Agentliyin müfəttişləri nümunələr götürüb.

Müayinələr nəticəsində məhsul partiyalarının normativ tələblərə cavab vermədiyi müəyyən olunub.

Faktla bağlı müvafiq qərar qəbul edilərək istehlaka yararsız 786 litr meyvə şirəsi, 1500 kq ərik qurusu məhv edilib.