Babək rayon Dövlət Yanğından Mühafizə Hissəsinin və Xüsusi Riskli Xilasetmə Xidmətinin qüvvələrinin iştirakı ilə “İnzibati binalarda baş verən yanğınların söndürülməsi, xəsarət alanların axtarışı və xilas edilməsi” mövzusunda yanğın-taktiki təlim keçirilib.
Nazirlikdən NTV-yə verilən məlumata görə, təlimin keçirilməsində məqsəd yanğın baş verdikdə əraziyə cəlb olunan xilasetmə qüvvələrinin qarşılıqlı fəaliyyətinin daha da təkmilləşdirilməsi, obyektlərdə mümkün yanğınların söndürülməsi və xilasetmə üzrə şəxsi heyətin peşəkar bacarıqlarının gücləndirilməsindən ibarət olub.
Təlim zamanı baş verən şərti “yanğın” yerində xilasetmə qüvvələri tərəfindən “yanğın” yerində çevik kəşfiyyat aparılıb, işçilər “təhlükəli” ərazidən təxliyə edilib və “yanğın”ın söndürülməsi əməliyyatları yerinə yetirilib.
Uğurla icra olunan təlimdən sonra əldə edilən nəticələr müzakirə olunub, müvafiq tapşırıqlar verilib.
NTV canlı
Radio canlı
Nuhçıxan