Ukrayna ehtiyacı olduğu hərbi yardımın 99 faizini NATO-ya üzv ölkələrdən alır.
AZƏRTAC xəbər verir ki, bu barədə Birləşmiş Krallığın xarici işlər naziri Devid Lemminin Britaniya XİN tərəfindən yayımlanan bəyanatında deyilir. Nazir alyansa üzv ölkələrin Kiyevə yardımlarını davam etdirməli olduğunu da bildirib.
Bəyanatda, həmçinin Böyük Britaniyanın hərbi xərcləri ÜDM-in 2,5 faizinə çatdırmaq niyyətində olduğu vurğulanır. Londonun bu məqsədə nə vaxt çatmağı planlaşdırdığını deməyən nazir, NATO tərəfdaşlarını Birləşmiş Krallıqdan nümunə götürməyə çağırıb.
Bu ərəfədə Polşa və NATO Varşavanın sərəncamında olan MiQ-29 qırıcılarının Ukraynaya verilməsi ilə bağlı intensiv danışıqlar aparır. Bunu Polşanın xarici işlər naziri Radoslav Sikorski alyansa üzv ölkələrin xarici işlər nazirlərinin Brüsseldə keçirilən görüşündən sonra jurnalistlərə bildirib.
NTV canlı
Radio canlı
Nuhçıxan