Azərbaycan boksçusu Gülər Hüseynova Dakar-2026 Yeniyetmələrin IV Yay Olimpiya Oyunlarında gümüş medal qazanıb.
Boks Federasiyasından NTV-yə verilən məlumata görə, Seneqalda 51 kiloqram çəki dərəcəsində mübarizə aparan milli komandamızın üzvü finalda Qrenyellis Qarsiya (Venesuela) ilə üz-üzə gəlib.
Döyüşdə rəqib qalib gəldiyi üçün Hüseynova Olimpiya Oyunlarının ikincisi olub. O, bununla da Yeniyetmələrin Yay Olimpiya Oyunlarında medal qazanan ilk azərbaycanlı qız boksçu kimi tarixə düşüb.
Qeyd edək ki, Gülər Hüseynovadan əvvəl oğlan boksçulardan Rüfət Hüseynov (49 kiloqram) “Nankin-2014”də qızıl, “Sinqapur”2010-da Salman Əlizadə (48 kiloqram) ilə Elvin İsayev (57 kiloqram) gümüş, Buenos-Ayres-2018-də isə Nurlan Səfərov (60 kiloqram) bürünc mükafat əldə ediblər.
NTV canlı
Radio canlı
Nuhçıxan