İran hərbi qüvvələri 2025-ci ildə illik təlimlərin sayını təxminən iki dəfə artırıb. Bu, İranın nüvə silahına sahib olmasına imkan verməyəcəyini vəd edən ABŞ prezidenti Donald Trampın hakimiyyətə gəlməsindən əvvəl baş verib.
NUHÇIXAN xəbər verir ki, bu barədə “Financial Times” İslam İnqilabı Keşikçiləri Korpusunun (Sepah) nümayəndəsi general Əli Məhəmməd Nainiyə istinadən bildirib.
"Bu il təlimlərin sayı təhdidlərin dəyişən mənzərəsinə cavab olaraq keçən illə müqayisədə təxminən iki dəfə artıb", – general nəşrə deyib.
O, iki gün öncə ölkənin altı qərb və cənub əyalətində təxminən 30 quru, hava və dəniz təliminin başladığını açıqlayıb. Təlimlər martın ortalarına qədər davam edəcək.
Qəzet qeyd edib ki, bu təlimlər "yeni təhdidlərə" qarşı mübarizəyə yönəlib, lakin konkret detallar açıqlanmayıb.
Tramp ilk müddətində İrana qarşı sərt siyasət yürüdüb və indi bunu davam etdirə bilər. Tehran onun qələbəsindən sonra bəyan edib ki, "şər cəbhəsi öz şərliyində fərqlənmir". Tramp hətta ABŞ və İran arasında müharibənin başlaya biləcəyini istisna etməyib.
NTV canlı
Radio canlı
Nuhçıxan