NATO hazırkı strategiyanın Rusiya üstünlüyü qarşısında zəifliyini dərk edərək, hərbi doktrinasını kökündən dəyişməyi planlaşdırır.
NTV xəbər verir ki, bu barədə “Business Insider” nəşri məlumat yayıb.
Onun məlumatına görə, əsas səbəb Rusiyanın hərəkətləri ilə NATO-nun hava üstünlüyünü şübhə altına alan Ukraynadakı münaqişənin dərsləri olub.
Qərb ekspertləri hesab edirlər ki, Ukraynadakı münaqişə təcili islahatların zəruriliyini nümayiş etdirən “müasir müharibə laboratoriyası” olub.
Ukraynanın Silahlı Qüvvələrinin keçmiş baş komandanı Valeriy Zalujnı Londonda çıxışı zamanı bildirib ki, alyans pilotsuz uçuş aparatlarının (PUA) inteqrasiyası və ucuz yüksək texnologiyalı silahların kütləvi istifadəsinə keçid də daxil olmaqla, yanaşmaların tam yenidən nəzərdən keçirilməsinə ehtiyac duyur.
“NATO rəqabətədavamlı qalmaq üçün bahalı sistemləri, məsələn, dronlar kimi sərfəli həllərlə birləşdirməlidir”, – materialın müəllifləri vurğulayırlar.
NTV canlı
Radio canlı
Nuhçıxan