ABŞ rəsmi şəkildə Ümumdünya Səhiyyə Təşkilatından çıxıb

ABŞ rəsmi şəkildə Ümumdünya Səhiyyə Təşkilatından çıxıb. NTV-nin məlumatına görə, üzvlüyə xitam verilməsi ilə bağlı ABŞ Dövlət katibi Marko Rubio və səhiyyə və tibbi xidmətlər katibi Robert Kennedi birgə bəyanat yayıb. Bu addımın COVID-19 pandemiyası ilə bağlı ÜST-ün uğursuz siyasətinə cavab və bunun ABŞ xalqına vurduğu ziyanları aradan qaldırmaq üçün atıldığı bildirilir.

Qeyd olunub ki, bir çox beynəlxalq təşkilatlar kimi, ÜST də əsas missiyasından imtina edib və dəfələrlə ABŞ-ın maraqlarına qarşı hərəkət edib. “ABŞ təsisçi üzv və ÜST-ün ən böyük maliyyə təminatçısı olsa da, təşkilat Amerika maraqlarına düşmən olan millətlər tərəfindən idarə olunan siyasiləşdirilmiş, bürokratik gündəm həyata keçirib. Bunu etməklə, ÜST amerikalıların həyatını xilas edə biləcək vacib məlumatların vaxtında və dəqiq paylaşılmasına mane olub və sonra bu uğursuzluqları ictimai səhiyyə maraqları naminə gizlətmək bəhanəsini irəli sürüb”,- deyə bəyanatda qeyd olunur.