İsveçrə gələn həftə Cenevrədə keçiriləcək ABŞ-İran danışıqlarını təsdiqləyib

Oman gələn həftə Cenevrədə ABŞ və İran arasında danışıqlar təşkil edəcək.

NTV xəbər verir ki, bu barədə İsveçrə Xarici İşlər Nazirliyinin sözçüsü Pyer Qobet məlumat verib.

“İsveçrə Xarici İşlər Nazirliyi tərəflərlə əlaqə saxlayır və münaqişənin gərginliyinin azaldılmasına yönəlmiş istənilən diplomatik təşəbbüsü dəstəkləməyə hazır olduğunu bir daha təsdiqləyir. Bu kontekstdə nazirlik gələn həftə Cenevrədə Omanın ABŞ və İran arasında danışıqları təşkil edəcəyini təsdiqləyir”, – deyə P.Qobet bildirib.

O, ölkəsinin bu danışıqları alqışladığını və dəstəklədiyini vurğulayıb. Əlavə edib ki, İsveçrə Vaşinqton və Tehran arasında dialoqu asanlaşdırmaq üçün “istənilən vaxt öz xoşməramlı xidmətlərini təklif etməyə” hazırdır.