Avropada havanın temperaturu qlobal orta göstəricidən təxminən iki dəfə artır və qitədə müşahidə olunan isti hava dalğası insanların sağlamlığını risk altında qoyur.
NTV xəbər verir ki, Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bununla bağlı X sosial media hesabında paylaşım edib
O qeyd edib ki, Avropadakı isti hava dalğası məktəblərin bağlanmasına və insanların sağlamlığının təhlükə altına düşməsinə səbəb olur.
Baş direktor paylaşımda Avropa üzrə temperaturun qlobal orta göstəricidən təxminən iki dəfə daha sürətlə artdığını göstərən məlumatların olduğunu vurğulayıb.
Tedros Adhanom Qebreyesusun sözlərinə görə, bu vəziyyət gələcəkdə Avropada ekstremal istilərin başvermə ehtimalını artırır.
Tədbirlərin görülməsinin daha da gecikdirilməsinə dözümlərinin olmadığını vurğulayan Qebreyesus deyib: “Liderlər iqlim dəyişikliyinə davamlı səhiyyə sistemlərinə investisiya qoyulmasını prioritet etməklə yanaşı, iqlim fəaliyyətini sürətləndirməli və iqlim böhranının səbəblərinin azaldılması istiqamətində addımlar atmalıdırlar”.
NTV canlı
Radio canlı
Nuhçıxan