Rusiya parlament seçkilərindən sonra formalaşacaq Ermənistanın yeni hökuməti ilə münasibətləri daha da inkişaf etdirməyə ümid edir.
Rusiyanın Baş naziri Mixail Mişustin bu barədə Yekaterinburqda “İnnoprom” beynəlxalq sənaye sərgisi çərçivəsində Ermənistanın Baş naziri Nikol Paşinyanla görüş zamanı bildirib.
NTV xəbər verir ki, Mişustin Moskvanın rusiyalı investorların hüquqlarına və qanuni maraqlarına riayət edilməsini, eləcə də ikitərəfli münasibətlərin davamlı inkişafını gözlədiyini vurğulayıb.
Öz növbəsində, Paşinyan ikitərəfli gündəlikdəki mövcud problemli məsələlərin həllinə ümid etdiyini bildirib.
“Son zamanlar bəzi problemli məsələlər ortaya çıxıb. Əlbəttə, ümid edirəm ki, bu məsələləri müzakirə edərək həll yollarını tapacağıq. Bütün məsələləri və nüansları müzakirə etmək və aydınlaşdırmaq üçün konstruktiv yanaşmaya sadiqik və ümid edirəm ki, bugünkü danışıqlar nəticəsində konkret məsələləri həll edə biləcəyik”, - deyə o vurğulayıb.
Ermənistanın Baş naziri, həmçinin ölkəsinin Aİİ-yə üzvlükdə maraqlı olduğunu qeyd edib.
NTV canlı
Radio canlı
Nuhçıxan