İngiltərə hepatit C virusunun aradan qaldırılması istiqamətində mühüm irəliləyiş əldə edib və Ümumdünya Səhiyyə Təşkilatının (ÜST) müəyyən etdiyi hədəfə vaxtından əvvəl çatan ilk ölkələrdən biri olub.
NTV BBC-yə istinadla xəbər verir ki, İngiltərə Milli Səhiyyə Xidmətinin məlumatına görə, 2015-ci ildən bəri ölkədə 100 mindən çox insana hepatit C diaqnozu qoyulub və onlar müalicə alıblar. Qaraciyəri zədələyən hepatit C virusu yoluxmuş qanla təmas vasitəsilə yayılır. ÜST 2016-cı ildə 2030-cu ilədək məlum hepatit C hallarının 80 faizinin müalicə olunması hədəfini müəyyən edib. İngiltərə Milli Səhiyyə Xidməti bildirib ki, İngiltərə artıq bu göstəriciyə nail olan ilk ölkələr sırasındadır. Eyni zamanda, 2016-cı ildən bəri hepatit C ilə əlaqəli illik ölüm hallarının sayı 36 faiz azalıb.
Böyük Britaniyanın səhiyyə naziri İvett Kuper bildirib ki, İngiltərə bu xəstəliyin tamamilə aradan qaldırılması istiqamətində dünyada öncül mövqedədir. Onun sözlərinə görə, xəstəxanaların təcili yardım şöbələrində aparılan qan analizləri, ailə həkimində qeydiyyat zamanı testlərin keçirilməsi və ev şəraitində istifadə üçün pulsuz testlərin təqdim edilməsi əvvəllər diaqnoz qoyulmamış şəxslərin aşkarlanmasına kömək edib.
NTV canlı
Radio canlı
Nuhçıxan