Böyük Britaniyanın Baş naziri Endi Börnhem ölkəsinin transatlantik kölə ticarətindəki roluna görə rəsmi üzr istəməsi imkanına açıq olduğunu bildirib.
NTV BBC-yə istinadla xəbər verir ki, bununla belə, o, tarixi haqsızlıqlara görə maliyyə təzminatının ödənilməsini istisna edib. Baş nazir kölə ticarətindən zərər çəkmiş xalqların nümayəndələri ilə dialoqun aparılmasının vacibliyini vurğulayıb. O bildirib ki, rəsmi üzrxahlıqla bağlı çağırışları nəzərdən keçirməyə hazırdır, lakin maliyyə təzminatının ödənilməsini düzgün həll yolu hesab etmir.
Bu açıqlama gələn həftə Karib hövzəsində keçiriləcək Birlik ölkələri liderlərinin sammiti ərəfəsində səsləndirilib. Kral III Çarlzın regiona səfəri fonunda Böyük Britaniyanın kölə ticarətindəki tarixi roluna görə rəsmi üzr istəməsi ilə bağlı çağırışlar yenidən gündəmə gəlib.
Qeyd edək ki, Böyük Britaniya hökuməti indiyədək köləliyə görə rəsmi üzr istəməyib və maliyyə təzminatı ödəməyib. Endi Börnhem də əvvəlki hökumət başçılarının bu məsələdəki mövqeyini davam etdirərək, təzminat ödənişlərini nəzərdən keçirməkdən imtina edib.
NTV canlı
Radio canlı
Nuhçıxan