satellite   Azerspace-1: 11135 H 30000

COP31 çərçivəsində “Feniks quşu” pavilyonu təşkil olunub

COP31 çərçivəsində “Feniks quşu” pavilyonu təşkil olunub

Türkiyənin Antalya şəhərində davam edən BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində 2023-cü il fevralın 6-da Kahramanmaraş vilayəti və ətraf bölgələrdə baş verən dağıdıcı zəlzələnin nəticələrinin aradan qaldırılması istiqamətində görülmüş işləri əks etdirən “Feniks quşu” pavilyonu təşkil olunub.

NTV xəbər verir ki, mifologiyada və mədəniyyətdə öz külündən yenidən doğulduğuna inanılan əfsanəvi, ölməz od quşun adını daşıyan pavilyonun hazırlanması prosesində fəlakət zonasında dağıntılar arasından toplanan tikinti materiallarından istifadə olunub.

3B beton çapı texnologiyası ilə hazırlanan pavilyonda Türkiyənin zəlzələ bölgəsində son bir neçə il ərzində həyata keçirilən geniş bərpa və quruculuq işləri haqqında məlumat verilir.

COP-31 iştirakçılarına, təbii fəlakət zonalarında toplanan tikinti materiallarının tullantılarının yenidən emalının mümkün olduğu və bu prosesin davamlı inkişafa ciddi tövhə verə biləcəyi bildirilir.

Yaşıl zonada yaradılan pavilyon böyük maraqla qarşılanıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

Xəbər lenti
Çox oxunan xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək:

CANLI YAYIM