Ukrayna ordusu Krım yarımadasına növbəti dəfə hücum edib

Ukrayna ordusu Krım yarımadasına növbəti dəfə hücum edib.

Naxçıvan televiziyası xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, Krım yarımadasına doğru hərəkət edən Ukraynaya məxsus 4 pilotsuz kater Qara dənizdə aşkar edilərək məhv olunub.

Hücum cəhdinin nəticələri və təfərrüatları hələ ki məlum deyil.

Qeyd edək ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb. Ukrayna bu ilin iyununda əks-hücum əməliyyatları keçirir. Rəsmi Kiyevin mövqeyinə görə, Ukraynanın ərazi bütövlüyü tam təmin olunmadan müharibə başa çatmayacaq. Ukrayna Prezidenti Volodimir Zelenski daha əvvəl bildirmişdi ki, Qərb dəstəyi dayandırsa, ölkəsi geri çəkiləcək.